"Къиза гуйре"

Из санна къиза
Кхы ма йоагlийл гуйре:
Сона диц лац
Наьна бlарглаьтта хий.

Бехк боацаш дукх
Гlалгlай боабаь из гуйре
Дага ехача - лоталу
Пхаьнашкар цlий!

Вай дохаде цlе эскар
мехка дера:
Къахетам фий ца ховш
Даьла моастагl вар.
Цар lаьржа саькур
вайн юха тlабера,
Хьалх санна
вай Даьхе астагl якххар.

Берах а къахетам беш
Вацар гlаьра,
Кхалсаг а,воккха саг а-
Цунна бе вацар.

Цхьаькхаза вай халкъан
Дер шийла кхаьра,
Цхьабакъда, из да'рагl
Вай бехк-м бацар.

Болата гlирсашта
Багlаш бар салтий,
Цар букътехьишка
Лечlкхаш хьире вар.

Вай мехках дог лаза,
Яхь йола кlантий,
Цан духьал эйтта
Дукха-м дlакхалхар.
Ялсмален совгlат цан
Даьлагара дехалаш:
Къаман турпалхой
Вайн биц мишта лургба?

Iоажала духьал цар
денал ца дехача-
Машара юкъе вай
мишта дохаргда?

Даькъала хийла хьо,
Гlалгlайче-Нана,
Иразе дахалда
Хьа доккха дог!

Йоагlаргъя вай
Бокъо котъяьнна зама:
Цул чlоагlагl со
цхьанна хlамах мича хьог!

Даькъасте,хьай къонгех
хьо шек ма яла:
Ioажало вай денал
доха-м дергдац!

Вай эздел-вайца да!
Вай лакха Гlалаш,
Укх лаьтта цхьанна
Сага дlалургъяц!

Къонах вац ший дег чу
Сацийтар кхерам;
Нийс наькъа тlа водаш вар-
Даькъал хургва.

Аллахl ма вий массе
хlаман беш бекхам-
Вай доазув ший
ханна метта оттаргда!.. Из гуйре санна
Кхы ма йоагlийл гуйре,
Хlанз - дег чу латт
цу хан бlарглаьтта хий.

Майрача кагий наьх
Тlеххьара гуйре:
Цан ца даьр - кхы хlанен
дергда вай сий?

Текст читает ученица 8 класса Олигова Захида
Автор текста: Ибрагим Ваделов
Режиссёр: Зарема Цоро

#Ингушетия #ингуши #МТобщество #память #ПригородныйрайонРИ